Нүцгэн нь илүү утгатай байна

Нүцгэн нь илүү утгатай байна

Нүцгэн жагсаал нь МАНАН-ын жагсаалаас илүү утгатай байна.

МАН-АН эрх барьсан жилүүдэд монгол түмэн ард хоцорч, ард болж нүцгэрэв.

Улс өрөнд унасан. Хүн бүр зээлэнд орсон. Төр мөнгөжсөн, эрх мэдэл мөнгөжсөн.Улс дампуурсан, монгол түмэн нүцгэрсэн. МАНАН  бус хүний хүү  хөндий хүйтэн бодлогоор Чонын хүү Шаалуу болсон.

Нүцгэн жагсаал үүнийг л хэлэхгүйгээр хэлээд байгаа юм. Барьж л байдаг байгаа даа, эрх биш, бид чинь.

Нүцгэн жагсаал нь тэгэхээр манарсан жагсаалаас илүү утгатай юм байна. Тийм ээ!

Ц.Лувсандорж

2018 оны 2 дугаар сарын 1-ний өдөр

Багшийнхийг эхлээд нэмчих

Багшийнхийг эхлээд нэмчих
"ЕС төрийн албан хаагчдын цалин нэмнэ гэсэн" гэнэ гээд шуугиж байна, цаана чинь. Гэвч эргэлзээ их байна. "Нэмнэ" гэсэн үг хангалттай биш. Учир нь нэмэх тань хасах болсоор ирсэн биз дээ. Харин ирэх сараас эхлээд багшийн цалин 50 хувь нэмнэ гэх мэт яривал утгатай болно. Ерөнхий ийм хийрхэлд багш нар одоо амархан хууртахгүй болтлоо ухаажсан, урагшилсан. Харин утгатай, тодорхой, бодитойд итгэдэг болсон, тэд.
Бас бүх төрийн алба хаагчийнхийг нэмнэ гэдэг маш буруу. Учир нь бүх хонь шар халзан биш. Харин багш нарын цалин энэ сараас 50 хувь нэмнэ гэвэл зөв.Утгатай, учиртай болно. Бүгдийг нэмэх гэдэг яах аргагүй л мулгуй тэнэг санаа. Хорон санаа. Нохой санаа.

Нэмсэн нэртэй нэмээгүй хэрэг болдог шүү дээ. Нохойтол байдаг шүү дээ. Яг л гурван талт хэлэлцээр гэгчээр багшийн цалинг нэмсээр нэмсээр ядууруулж байсантай утга нэг хэрэг юм, энэ нь.
Тэгэхээр тэмцснээр нь эхлээд багшаа цалин хийгээд инфляцийн тамын тогооноос гарга. Аргыг багш нар бид заагаад өгнө.
ТСМА бүтээ. Тэгэхээр болчихно.
Ц.Лувсандорж
2018 оны 1 дүгээр сарын 29-ний өдөр

Цэрэгжих үү, Иргэнжих үү, Хар массаа?

Цэрэгжих үү, Иргэнжих үү, Хар массаа?

Манай улсын өнөөгийн байдлыг түүхэн үүднээс харвал дарангуйлал тогтох, дарангуйлал үүсэх нөхцөл үүсчихсэн байгаа юм. Дэлхий 2 дугаар дайны өмнө Герман улс өрөнд дарагдаж иргэд ядуурал, гуйланчлалд нэрвэгдсэн байв. Еврей нар санхүү, банкийг нь барьчихсан байв. Ядуу ахуйдаа захирагдсан тэр нөхцөл цэрэгжилт, Гитлер хоёрыг төрүүлсэн юм..... Энэ мэт жишээг түүхээс олныг олж болно. Их амархан.

Хар масс хөөрөх, хийсэхдээ их болгоомжтой байх хэрэгтэй.Хужаа гэж оролилдох бол нэг хэрэг. Харин цэрэгжих гэж дэврэх нь тун өөр хэрэг. Учир нь энэ дэвэргээнийхээ хар үрийг хар масс л өөрөө эдлэнэ шүү дээ.

12 жил болсон болоогүй 20 хичээлийг үзэж баллуулсаар, 3 жил "мэдлээ, гүйцэтгэе" гэж маллуулсаар нэг мэдэхнээ эр эмгүй 21 настай хөөрхөн, хөгшин хүүхдүүд болж үлдэв вий дээ.
Хөгжил нь зөв, төв, гэгээн улсад 21 насандаа эрдэмтэн, тэрбумтан болчихсон явах нь бий. Үгүй дээ гэхэд амьдралын замаа олчихсон мэргэжилтэй залуу иргэд болчихсон байдаг юм, МСҮТ хөгжиж, үйлдвэржилт өрнөсөн улсад бол.

Цэрэгжих, иргэнжихийн ялгаа ядаж нэг иймэрхүү юм, иргэний нүдээр харвал.

Тэгэхээр, цэрэгжих үү, иргэнжих үү, Хар массаа?

Ц.Лувсандорж


2018 оны 1 дүгээр сарын 20-ны өдөр

 http://undesniibolovsrol.blogspot.com/2018/01/blog-post_20.html

Боловсролын салбарын нэг зоос бүхнийг Монголын төлөө, багшийн төлөө зар

Боловсролын салбарын нэг зоос бүхнийг Монголын төлөө, багшийн төлөө зар

Зөвлөгөөн гэгч ямар бэлтгэлгүй энэ хийрхэлд нэг сарын дотор хэдэн тэрбумаар зарж мөнгө угаах ямар хэрэг байна. Одоо юуг зөвлөдөг байна аа. Багш ядуурсан нь тодорхой байна. Боловсрол дампуурсан нь тодорхой байна. Улс дампуурсан нь их тодорхой байна.

Энэ тодорхой бүхнийг; боловсролын салбарын болохгүй бүхнийг багш нар 5 сарын турш тэмцлээрээ хэлээд, ажил хаялтаар өгүүлээд, ажил хийгээд байна. Одоо тэнд юуг энэ зөвлөж суудаг байна аа, тэгэхээр.

Төрийн ордонд зөвлөгөөн болохоор мөнгө их хийдэг байх даа, мөнгө их угаадаг байх даа.
Татвар төлөгчийн мөнгийг ингэж нэг сарын зөвлөгөөн гэдгээр ухааж, үрж байхын оронд ахмадын багш нарын тэтгэврийг зөрүү нэг удаа тэгшитгээд, тэдний насны зүтгэлийг нь нэг удаа ч болов бодитой үнэлэхийг оролд л доо.

Үүний оронд багш нараа ядуурлаас гарга л даа.Цалингаа нэм л дээ.

Боловсролын салбарын нэг зоос бүхнийг Монголын төлөө, багшийн төлөө зар.

Ийм төр, ийм удирдагч энэ улсад хэрэгтэй байна.

Зөвлөхөд бус харин хийхэд мөнгө зар.

Ц.Лувсандорж

2018 оны 1 дүгээр сарын 17-ны өдөр

 http://undesniibolovsrol.blogspot.com/2018/01/blog-post_17.html

Жиг сэтгэ

Жиг сэтгэ

Жиг бус сэтгэлгээ манайд их түгээмэл байдаг. Жиг бус сэтгэлгээ нь, жишээ нь, нэг иймэрхүү байдаг.

Гурван сая хүн амтай улсад дурын жижиг дунд үйлдвэр дампуурна. Тэгтэл бид 28 жил энэ дампуурах тавилантай зүйлийг хийх гэж орилолдсон, оролдсон. Баахан хүч хөдөлмөр, мөнгө зарсан. Эцэст нь ажилгүйчүүд ихэсгэж олигтой нэг ч жижиг дунд үйлдвэр босож ирээгүй. Гэтэл зүтгүүлээд л байдаг.

Жижиг дунд үйлдвэр 3 саятай биш 300 саятай улсад бол оршоод байж мэдэх юм. Жиг сэтгэ.
Бидний алдаа сэтгэлгээндээ бий. Бидний алдаа жиг бус сэтгэлгээндээ байна.

"Эр эм гэлгүй 1-3 жил цэргийн алба хаадаг болгоно" гэх нь жиг биш яг "жижиг үйлдвэрийг манайд оршино, таарна" гэж зүтгүүлээд бүтэлгүйдээд, бүтэлгүйдээд зүтгүүлдэгтэй утга санаа нэгэн адил бас нэг жиг бус сэтгэлгээ юм, бас нэг үндэсний түвшний бүтэлгүй хандлага юм.

Бидний алдаа сэтгэлгээндээ бий. Сэтгэлгээний энэ алдаанаас салахын тулд жиг сэтгэхэд
суралц.

Жиг сэтгэ.

Ц.Лувсандорж

2018 оны 1 дүгээр сарын 16-ны өдөр

Хайрлаад байна уу, хорлоод байна уу?

Хайрлаад байна уу, хорлоод байна уу?


"Эр эмгүй цэргийн албыг 1-3 жил хаадаг болох" гэдэг их том эндүүрэл, их дэмийрэл юм. Учир нь ийм юм л даа.

Манай улс цэрэгжсэн улс биш. Бид чинь иргэний ардчилсан нийгэм байгуулж байгаа ухаантай юм. Үндсэн хууль энэ тэрээ эргүүлж хар л даа.

Дур дураараа өглөө босоод дургиж эхэлдэг энэ нэг завхралаас энэ улсад яаж нэг сална даа.

Урлаг, спор, цэрэг өөр өөрийн үүрэгтэй юм.

Хүний эрх чөлөө, сонголт гэж бас байна.

Цэрэг цөөнхөн чадварлаг мэргэжлийн байх ёстой.

Тэрнээс цэрэглэсэн гэх сүрэглэн мануухай хэрэггүй.

Цэрэг, дайн, батлах хамгаалах онол, сургаальд парадигмийн өөрчлөлт орчихоод байхад бид улсаараа цэрэгжин гээд хийрхэж суух нь буруу. Суралц.

Үүний оронд МСҮТ-ийг хөгжүүлж, улсаараа урагшаа зүтгэн байж хоёр хөрш лүүгээ харсан ганц том үйлдвэр барьж залуухан ажилгүйчүүдийг ажилтай залуус болгоно гэх мэтрээ жиг сэтгэ л дээ.

12 жил болсон болоогүй 20 хичээл үзээд дараа 3 жил "мэдлээ, гүйцэтгэе" гэдгээс өөр зүйлгүй явахад залуус эр эмгүй 21 хүрэх л дээ. Гэтэл өнөө цагийн 3 жил гэдэгт хүн бүхэл насаар зараад барихгүй их эрдэм ухаан, нарийн мэргэжлийн эзэмшээд эх орон, хүн төрөлхтөнд хувь нэмэр оруулчих хугацаа байдаг.

Хайрлаад байна уу, хорлоод байна уу?

Энэ мэтээр ном энэ тэрээ эргүүлж эргэцүүл л дээ.

Ц.Лувсандорж

2018 оны 1 дүгээр сарын 16-ны өдөр

 http://undesniibolovsrol.blogspot.com/2018/01/blog-post.html