Япон гэхээрээ л ёмбогор байдаг юм биш

Япон гэхээрээ л ёмбогор байдаг юм биш

Монголд дахь ЖАЙКА (JICA) юу л хийгээд байна аа. Мэргэжлийн хяналтын байгууллага ЖАЙКА-ийн санхүүгийн хийгээд үйл ажиллагааг нь нэг сайн шалгаад өгөөч!

Тэр Япон-Монголын төв яахаараа их сургуулийнх хашаа дотор, A зэрэглэлийн газрыг эзэгнэн намбааж байдаг юм вэ?

Монгол хүн ч хүрч үл чадах тэр газрыг тэд яаж авсан юм бол оо!

ЖАЙКА, Япон Монголын гэх төв гэх мэт Японы гэсэн бүхний үйл ажиллагааг нэг сайн шалгаж үзмээр байна. Цааш нь бидний монголыг хуучин гэж үзээд шинэ болгох гэж байгаа японы хөрөнгө оруулалттай сургууль хүртэл байна. Хуучин гэх бидний монголд шинэ монголынх гэх япон хүн бэлтгээд байгаа юм биш биз дээ!

Хичнээн эрүүл монгол хүүхдийг сумо гэх нэрээр японд гаргаж мэргэжил боловсролгүй, сургууль соёлгүй болгож байна аа. Эрүүл мэндгүй болгож байна. Гэмт хэрэгтэн болгож байх... Хүүхдийн эрхийн байгууллага үүнийг нэг анхаарч өгнө үү!

Япон гэхээрээ л ёмбогор байдаг юм биш.

Ц.Лувсандорж

2018 оны 3 дугаар сарын 1-ний өдөр

 http://undesniibolovsrol.blogspot.com/2018/02/blog-post_28.html

Тэгэхээр сэр

Тэгэхээр сэр

Бүх салбарт дахь гавьяат хүнийхээ тоогоороо манай Монгол дэлхийд тодорхой тэргүүлнэ.

Яагаад?

Учир нь шагнах, шагнуулах гэдэг ийм хөөрхөн хөөргөлт Хойд Солонгос, Монгол хоёроос өөр улсад байдаггүй юм.

Тэнд харин сайн жүжигчин бол чанартай амьдралтай байдаг. Тэрбумтан байдаг.

Тэнд харин сайн багш мөн л чанартай амьдралтай байдаг. Тэрбумтан байна.

Сүргийн сэтгэлгээнээс бид заавал салах хэрэгтэй. Сүрэглүүлэх бодлогыг бид заавал зогсоох хэрэгтэй.

Үндэсний энэ донгоос юуны өмнө багш нар салах хэрэгтэй.

Хойд Солонгосыг хараад бид шоолоод байгаа атлаа шагналын донгоороо тэднээс ямар ч ялгаа байдаггүй юм. Дэлхий яг адилхан шоолдог, гайхдаг.

Дүр эсгээгүй харин чинхүү ардчилсан улсад ийм марзан юм уг нь байдаггүй.

Яагаад?

Тэнд хүний эрх, эрх чөлөө үнэ цэнэ болсон байдаг. Тэнд мөн шударга хөдөлмөр, шударга цалин үнэ цэнэ болсон байдаг.

Тэгэхээр сэр.

Ц.Лувсандорж

2018 оны 2 дугаар сарын 14-ний өдөр

Өндөлзөж, үрвэлзэж л бай л даа

Өндөлзөж, үрвэлзэж л бай л даа

Багш мэргэжлээ шавраас татаж гаргах, багшийг ядуурлаас аврахын төлөө Дундговийнхон шиг бай л даа.

Ноомой биш бай л даа, багш нар аа.

Өөрийнхөө төлөө ч, өрөөлийн төлөө ч үргэлж л өндөлзөж бай л даа. Яадаг юм, үрвэлзэж л бай л даа.

Ц.Лувсандорж
2018 оны 2 дугаар сары 14-ны өдөр

Сангийн яамыг ясны ганц санхүүчтэй болгоё

Сангийн яамыг ясны ганц санхүүчтэй болгоё


Сангийн яаманд ясны ганц ч боловч санхүүч хэрэв байсан бол улс дампуурч, монгол түмэнд өрөнд унахгүй байв.

Сангийн яамыг мананд биш, харин монголд үйлчилдэг ганц ч болов ясны санхүүчтэй болгоё.

Өнгөрсөнтэй нь хариуцлага тооцож тэднийг аппаратаар төрийн албанаас явуулая!. Өөрчилье!


Ингэж байж л монгол өндийнө. Тийм ээ!


Ц.Лувсандорж

2018 оны 2 дугаар сарын 9-ны өдөр

 http://undesniibolovsrol.blogspot.com/2018/02/blog-post_8.html

Бага хүүхэд томчуудын бизнес биш

Бага хүүхэд томчуудын бизнес биш


Бага насын хүүхдийг олимпиад, номын шахаа, хачин сургалт гэх томчуудын бохир бизнесийн золиос болгож буй буйг би эсэргүүцэж ирлээ. Цаашид энэ завхралыг цэгцлэхийн төлөө бүх түвшинд ажиллаж болно.

Бага насны хүүхдээр ингэж бизнес хийж сүлжилдэх эрх ч, ёс зүй ч багш нарт байх ёсгүй. Үүний оронд багш нар өөрийн багшлах ухаан, багшлах урлагаа улам байнга чамбайруулж байх ёстой. Сэтгэлээ цэнэ, үйлээ цэгнэ. Багш гэдэг хүний амьдралын замыг гэрэлтүүлэгч юм. Түүнээс биш тэднээр бизнес хийгчдийн гар хөл бологч биш юм.

Энэ дашрамд хэлэхэд математик, монгол хэлээр улсаараа л муу сурч байна. Дүн хуурмаг байна. Дүгнэлт худал. Харин хэдэн бизнес эрхлэгчид л их хөлжсөн дөө. Худлаа гэж үү?

Үүнтэй уялдуулсан бичсэн нэгэн бичвэрээр дор оруулав.

http://undesniibolovsrol.blogspot.com/2017/05/blog-post.html

Ц.Лувсандорж

2018 оны 2 дугаар сарын 6-ны өдөр

Сэжигтэй цалин

Сэжигтэй цалин

ОУВС-ийн ойролцоо ЕБС олон байдаг юм байна. Тэдний багш нарт цалин нэмүүлэх хэрэгцээ байдаггүй юм шиг. Тэгэхээр төв хандлагын гадна их цалин авна гэдэг нь их сэжигтэй.

Сэжигтэй цалинг сэжиглэх хэрэгтэй. Аягүй бол баахан болсон болоогүй төлбөр авдаг. Төрийн өмчөөр хувийн бизнес хийдэг олигархи сургууль, олигархи багш байдаг биз. Төрийн сургуулийг элдэвчилсээр бараг хувийн сургууль болчихсон байдаг байлгүй дээ,тэд. Өөр яаж төв хандлагын гадна том цалинтай байж чадав вэ дээ,тэд.

Сэжигтэй цалинг ингэж авч болдог эсэх; төрийн сургуулиудыг ингэж сэжигтэй ашиглаж болдог эсэх; тэнд суралцаж буй хүүхдүүдийг ингэж бүлтгэнүүлэн ялгаж болдог эсэх, ялгаварлан гадуурхаж болдог эсэхийг сэжиглэн шалгах хэрэгтэй байна, мэргэжлийн хяналтынхан аа!

Ийм байх нь лав л ардчилсан ёс биш. Харин олигархи ёс болж мэдэх юм.

Төрийн өмчийн олигархи сургуулиудад байгаа сэжигтэй цалинг их сэжиглэж байна. Мэргэжлийн хяналтынхныг үүнийг хянахыг шаардаж байна.

Учир нь сэжигтэй цалинтай багштай сэжигтэй сургуулиуд багшийн цалинг нэмүүлэх хөдөлгөөнд, тэмцэлд саад болж байна. Бас багш ингэж сэжигтэй цалинжих нь багшийн ёс зүйд үл нийцэж байна. Гутааж байна. Сэжиггүй цалинжих нь багшийн ёс зүй юм.

Багш нарын цалин сэжигтэй бус сэжиггүй байх ёстой.

Сэжигтэй цалингаас бид сэжиглэж ёстой.

Ц.Лувсандорж

2018 оны 2 дугаар сарын 2-ны өдөр

Цэнэтэй нь үнэтэй

Цэнэтэй нь үнэтэй

Багшийн цалинг нэмүүлэх гэхээр мөнгө байдаггүй. Харин өөрсдөө үнэтэй машин авах, эсвэл үнэтэй зөвлөгөөн хийхээр, ивээхээр мөнгө байдаг. Тэгэхээр багшийн ажил тэдэнд үнэгүй юм байна. Тийм ээ!


Тэдэнд цэнэгүй мэт санагдах багшийн ажлын цэнийг багш нар бид тэдэнд мэдрүүлж чадахгүй л байгаа юм байна. Тэгэхээр мэдрүүлэх хэрэгтэй.

Багшийн ажил нийгэмд ямар их цэнэтэйг, чухлыг мэдрүүл. Ингэж мэдрүүлэхэд нэгсэл хэрэгтэй. МБҮЭ хэрэгтэй. Нэгдсэн зохион байгуулалт хэрэгтэй. МБН хэрэгтэй. Бидэнд хэрэгтэй бүхэн бараг байна.

Үнэтэй нь цэнэтэйг тэд мэддэг. Тэгэхээр багшийн ажил цэнэтэй ч, үнэтэй ч гэдгийг мэдрүүл.

Үнэтэй нь цэнэтэй. Цэнэтэй нь үнэтэй.Үүнийг мэдэр, бас мэдрүүл.

Ц.Лувсандорж

2018 оны 2 дугаар сарын 2-ны өдөр

ОУВС-ийн ойролцоо ЕБС байдаггүй

ОУВС-ийн ойролцоо ЕБС байдаггүй

ОУВС-гийн ойролцоо ЕБС байхгүй юм шиг байна лаа. Яагаад?

Цайны цагаар  гадаа үүдэнд нь багшийн цалинг 50 хувиар нэмүүлэх шаардлага тавьж буй багш нарын цуглаанд гараад ирэх багш байдаггүй юм байна лаа. Харин хаа холоос зорьж идэр есийн хүйтэнд ирсэн бий.

Тэгэхээр ОУВС-ийн ойролцоо нэг бол ЕБС сургууль байдаггүй.

Хэрэв байдаг бол тэдэнд үндсэн цалингаа нэмүүлэх хэрэгцээ байдаггүй юм байна. Тэдний цалин хууль дүрмийн гадна, олигархи маягийн онцгой бүрдэл, бүтэцтэй байж мэдэх нь. Бас ийм л багш нар байж мэдэх юм.

Сэжигтэй л санагддаг. Төв хандлагын гадна тийм цалин байна гэдэг нь бүр ч сэжигтэй.

Ийм л эргэцүүлэлд хүрч байна.

 http://undesniibolovsrol.blogspot.com/2018/02/blog-post.html

Ц.Лувсандорж

2018 оны 2 дүгээр сарын 1-ний өдөр