Хөөрхөн зөвлөмж

Хөөрхөн зөвлөмж

 

Дотор эргэцүүлж суухад гадаа "Онцын шаардлагагүй бол гэрээсээ битгий гар" гэсэн зөвлөмжийг нийтээр дагаж биелүүлэхийг чангаар хэлж байх.

 

Дагаж мөрдөлгүй яахав. Гэвч яаж! Ингэж бодож суутал яг ийм юм болох юм.

 

Гэрээсээ нэг хүн гарах гэж байх юм. Тэгэхээр чанга яригчаар төрөөс юуг хэлснийг санаж "онцын шаардлагатай юм уу" гэхэд "онцын шаардлагатай болоод л гарч байгаа биз дээ" гэх.

Ингэж хэлсний дууны өнгөнд дургүй хүрч "Наад төр засаг тань тэгэж зөвлөөд байгаа юм биш шүү" гэж хариу үг чулуудангаа хөөрхийн зөвийг ингэж тунгаан өөрийгөө бас өрөвдөх.

"Онцын шаардлагатай болоод гарч байна" гээд гэрээсээ гарч байгаагийн нь бодохоор буруутгах зүйл ерөөсөө алга. Утгатай байна.

 

Чанга яригчаар "Онцын шаардлагагүй бол гэрээсээ битгий гар" гэсэн болохоос "Ямар ч тохиолдол гэртээ бай" гэж зөвлөөгүй байна. "Онцын шаардлагатай болоод л гэрээс гарч байгаа нь" зөвлөмжийг дагаж л байгаа л хэрэг юм байна.

 

Онцын шаардлагагүйгээр гэрээс гараагүй, харин онцын шаардлагатай болоод л гэрээс гараад байхад зөвлөмжийн дагуу "гэртээ байх хүн бараг үгүй" болох нээ!

 

Тэгэхээр энэ зөвлөмжийн уг утга нь гэртээ бай (stay home) биш харин гэрээсээ гар "stay out" болоод явчихав уу?

 

Тэгэхээр тэр чанга яригч "хөөрхөн" зөвлөмжийг хөөрхий хэлсэн байх нээ!

 

Энэ хөөрхөн зөвлөмжийг ингэж хэлбэл муухай ч гэсэн бас утгатай болж мэдэх юм шүү дээ.

 

"Гэртээ бай"

 

Гэвч бас яаж!

 

Ц.Лувсандорж

 

2020 оны 4 дүгээр сарын 29-ний өдөр

 

Жич: Аливаа бодлого, мессежийг яг нэг мөр ойлгогдохоор байлгаж чадвал тэр нэг мөр хэрэгждэг юм. Үүнийг хаа хаана аа анхаарах. Багш нар ирээдүйн удирдагчдад эхнээс үүнийг заавал зааж суулгавал зохино.

Галзуу шийдлүүд...

Галзуу шийдлүүд...

Нэг чухал нөхөр короновирусээс хол байхын тулд "хөдөө явцгаа" гэсэн гэх юм. Үнэн худлыг мэдэхгүй.

Тэгэхэд Англи улсын энэ асуудлыг хариуцаж байгаа гол хүн нь " Хоёр дахь гэр (second home) лүүгээ явах хэрэггүй, гэртээ бай" гэж нийтэд зөвлөж байх юм.

Манай томчууд "Хоол бага ид, хүүхдээ 10 цагт унтуул, өөрсдөө ч бас тэгэж унт..." гэх короновирусын эсрэг тэмцэлд баримталж буй бололтой тактик, стратегийг сүртэйгээр хэлж зөвлөж байх юм.

Гэтэл Англи улс өдөр 100 мянган сорил тавьж, 14 хоног үргэлжлүүлж, "эрт илрүүлэлт эрт эмчлэлт" гэсэн тактик, сүргийн дархлааг дэмжих стратеги баримталж байгаагаа Парламентийн хэлэлцүүлэгтэй хэлэлцүүлж, хэрэгжүүлж байх юм.

Англи улсын эрхтэн, жишээ нь, "хөдөө явцгаа" гэж гэв гэнэт юу болов гэсэн шиг  хэлж, бужигнуулахгүй юм. Яагаад гэхээр "Ингэж хэлбэл, "гэртээ бай" гэдэгтэй нь зөрчилдөх юм.

Англи улсын ерөнхий сайд хэзээ ч "бага ид, хүүхдээ 10 цагт унтуул, өөрсдөө ч эрт унт, зуслан руу яв" гэж хэлэхгүй мэдээж юм. Яагаад гэхээр "Ерөнхий сайдын эрх үүрэг, хувь хүний эрх чөлөө" хоёр хоорондоо зааг ялгаатайг тэд ялгадаг тул ямар ч үед төрийн эрх мэдлийг "ор дэр, унтах, идэх" зэрэг хувь хүний эрх, сонголттой хольж хутгадаггүй юм. Ямар дарангуйллын улс биш дээ.

Энэ мэтээр манайд болж байгааг ажиглахад яг л галзуу хүний өдрийн тэмдэглэл уншиж байгаа шиг санагддаг. Ганц короновирусын энэ тохиолдол ч биш. Бүх зүйл.

Энэ нь нэг талаасаа, тун хөгжилтэй боловч нөгөө талаасаа, тун аймаар, нэн гунигтай.

Энэ тань 21 зуун ч ш дээ. Бүх шийдвэр, шийдэл мэдлэгт суурилж хийгдэнэ. Тэгэж байж хүчтэй хэрэгжинэ.

Энэ улс ийм байдлаас энэ манангаас л салж байж л ангижрах байх даа.

Ц.Лувсандорж

2020 оны 4 дүгээр сары 24-ний өдөр

Эсвэл сүргийн дархлаа, эсвэл вакцинжуулалт!

Эсвэл сүргийн дархлаа, эсвэл вакцинжуулалт!


Короновирусийг төгс дийлэх хоёр л төгс арга байна.
Нэг нь вакцинжуулалт. Нөгөө нь сүргийн дархлаа.

Сүргийн дархлаа (Herd immunity) гэдэг нь байгалиараа, жамаар сүргийн ихэнхид эсрэг биет бий болсон (халдварласан яваа, эсвэл халдвар аваад эдгэрсэн байх) болсноор сүрэгт халдвар цаашид тархахгүй болсон байхыг хэлнэ. Жишээ нь, эмч короновирусийн халдвар аваад түүнд түүний эсрэг биет бий болчихсон бол уул эмчээс сүргийн бусад нь халдвар авахгүй. Яагаад гэвэл эмч халдварын вирусыг тээгч биш болсон.Түүнд вирус байхгүй. Харин ч тэр вирусын тархалт, дэглэлтийг зогсоогч болон сүргийн дархлаа бий болгох юм.

Ийм учраас эрт сорилын гол утга нь эрт илрүүлэхэд эцэстээ биш харин түүнийг эрт эмчилчихвэл сүргийн дархлааг бий болгоход хувь нэмэртэй аж.

Вакцинжуулалт нь сүргийн дархлааг бий болгож буй байгалийн биш зохиомол хэлбэр юм. Сүргийн дийлэнхийг вакцинжуулснаар сүрэгт халдварын тархалт дээрхийн адил зогсоно. Гэвч короновирусын эсрэг туршилтын вакцин олон бий болсон байгаа ч туршилтыг давж нийтийн хэрэглээ болоход дор хаяж нэг жил шаардах аж.

Харин дэлхий нийтээрээ халдварын эхэнд хэрэглэж буй тусгаарлалт (social distancing) нь сүрэгт халдвар тархалтыг түр зуур тогтоон барих, тархалтын муруйг хавтгайруулж харагдуулах төдий л түр зуурын арга хэмжээ юм. Түр зуурын гэдэг нь түр зуурынх юм. Учир нь тусгаарлалтыг сүрэг удаан тэвчдэггүй юм. Ийм учраас, ийм аргыг хэрэглээд муруйгаа хавтгай болгож чадсан ихэнхи улсад нь "тусгаарлалт"-ын арга хэмжээгээ сулруулах тэр үед тархалт эргээд эрчимжих замтай, жамтай байдаг.

Манай улс үндсэндээ 4 сар гаруй хугацаанд тусгаарлалтын арга хэмжээг авч хэрэгжүүлж байгааг энд тэмдэглээд тусгаарлалтыг сулруулахын өмнө заавал сүрэгт дархлаа бий болсон эсэхийг, мөн бий болгох эсэхийг сорилоор туршиж, тогтоох хэрэгтэй.

Эсрэг тохиолдолд эвгүй болох нь бас жам, зам мөн.

Жич: Үүнтэй холбоотойгоор доктор Давид Кацын (Dr. David Katz) ярилцлагын олж харвал ононо.

Ц.Лувсандорж
2020 оны 4 дүгээр сарын 21-ны өдөр
https://www.foxnews.com/…/david-katz-coronavirus-vaccine-he…

Мананд хохирогчийн гандалт

Мананд хохирогчийн гандалт


Одоо олдох гэж байгаа хүүхдээс яг одох гэж байгаа өтөс хүртэл бүгд л МАНАН-ын золиос, Манангийн хохирогч байдаг.

"Тэд бүгд л хайран залуус нас минь, хайран эх орон минь, хайран ирээдүй минь" гэж 30 жил, олон жил  гандаж явдаг.

Ц.Лувсандорж
2020 оны 4 дүгээр сарын 20-ны өдөр

Малчин эр юуг бархирав?

Малчин эр юуг бархирав?
Үндсэн хуулийг ингэж баллаж байхдаа яахав дээ!
Саяхан нэг хөдөлгөөний видео бичлэгт нэг малчин эр "Үндсэн хуулийг ингэж батлаад байхдаа яахав дээ" гэж хэлээд ихэр татан бархирж байхыг хараад эхлээд их инээд хүрэв.

Тэр малчин "Дээл өмссөн болохоор мал шиг ээ мал байдаг гэж бодоо юу, та нар" гээд "Даанч дээ, үндсэн хуулийг ингэж батлаад байхдаа яахав дээ" гээд халаглан ихэр татан бархирж байгааг дахин эргэцүүлэхэд "Нээрээ л, үндсэн хуулийг ингэж баллаад байхдаа яахав дээ" гэж хэлүүлэхэд хүргэдэг эрээ цээрээ алдсан эв хавьгүй заалтууд тэнд захаас аван л байдгийг санан инээд хүрэхээ бүүр больж "Үндсэн хуулийг ингэж баллаад байхдаа яахав дээ" гэж нээрээ өөрийн эрхгүй ихэд бухамдав.
1992 онд бидний үнэт ганц үнэт зүйл болсон Үндсэн хуулийг ёстой нэг баллаж хаясан юм байна л даа.Дараа нь ходоон сэтгэлгээгээр бүүр хэдэн хэдэн удаа бүүр баллаж хаясан байдаг юм.
Даанч энэ цагийнхны ихэнхи нь гүйлгэж ч хардаггүй, сургаар л явдаг болохоос уншдаггүй.
Жишээ нь, эрүүл бус ийм нэгэн заалт хээв нэг явж байх.
"Мал сүрэг төрийн хамгаалалтад байна"
Бод доо! Яаж!
Мал сүрэг бүрийг цэрэг, арми дагаад явж байх нуу!
Мал нь үсрээд 20 л насална биз. Дараа тэгээд яах юм.
Мал нь ийм байхад хүн яахав!
Мөн "Ерөнхий боловсролыг төрөөс үнэ төлбөргүй олгоно" гэсэн атлаа яг дор нь "...иргэд хувийн сургууль байгуулж болно" гэх.
Бас хаангүй ардчилалтай ихэнхи улсад засаг нь "их хурал, засгийн газар, шүүх" гэсэн харилцан бие биеэ хянадаг гурван өндөрлөг, институцтэй байдаг атал манайд ходоодон сэтгэлгээ хандлагаар харж "ерөнхийлөгч" гэгчийг нэмж аваад 4 болгож хий дэмий л дөжирчихсөн явах. Гэх мэтээр урт шүүмж үргэлжилнэ.
Галзуу хүний өдрийн тэмдэглэл уншиж үзээгүй. Гэхдээ тийм л байдаг болов уу гэмээр иймэрхүү өгүүлбэрүүд зүгээр л захаас аван таардаг юм.
Худлаа гэвэл нэг удаа гүйлгээд, үл хууртах ухаанаар харж, улаан харандаагаар зураад эрүүл сэтгэлгээний хуулиар эргэцүүлж нэг бод л доо! Яаж байна!
Тэгэхэд "Үндсэн хуулийг ингэж батлаад байхдаа яахав дээ" гэж уйлж байгаа тэр аугаа малчин шиг чин сэтгэлээсээ уйлдаггүй юм аа гэхэд эгдүүцэн "Нээрээ, үндсэн хуулийг ингэж баллаад байхдаа яахав дээ" гэж бухимдах нь бол хэн ч бүүрч энүүхэнд.
Цаг хугацаа энэ хуулийн гуулийг нь, хулхийг нь харуулна.
Лоббийг тань илчилнэ ээ!
Ардчилсан гэх авч үнэндээ өмчилсөн гууль болсныг харуулна аа!
Бөөн зөрчил, бөөн гурилдалт байх. Бөөн лобби байх. Авах юм бага.
Үүний горь нь өнөөх 30 жилийн энэ улсын доройтол, нийгмийн ядуурал, дампуурал, хүний ёс зүйн ялзрал байдаг юм.
Үндсэн хуулийг ингэж баллаж байхдаа яахав дээ!
Ц.Лувсандорж
2020 оны 4 дүгээр сарын 20-ны өдөр

Санал: УБ-чуудын дунд короновирусын сорилыг түүвэрлэн явуулна уу?

ЭМЯ, УОК-т хүргэх санал

Санал: УБ-чуудын дунд короновирусын сорилыг түүвэрлэн явуулна уу?

 

Үндэслэл:

 

Дэлхийн ихэнх улс орон "эрт сорил эрт тусгаарлалт" гэсэн стратегийг короновирустай тэмцэхэд баримталж байна. Ийм стратегийг баримталсан улсад короновирусын сорилд эерэг байх тохиолдлын тоо эхэндээ их илэрч байвч өрнөлдөө харин цөөрч, эцэстээ ингэсний дүнд тэд "короновирусыг хяналтандаа бид авлаа" гэж чанга ярьж чадаж байна. Ийм улсуудын дунд масктай нь ч, маскгүй ч нь байна.

 

Ийм учраас ЭМЯ, УОК короновирустай тэмцэхдээ "эрт сорил эрт тусгаарлалт" гэснийг баримтлах стратеги болгон үзэж түүнийхээ дагуу УБ-т оршин суугчдын дунд короновирусын сорилыг ядаж түүвэрлэн зохион явуулна уу?

 

Та бүхэнд энэ саналыг хүргэхэд дор хаяж дор дурдсан шалтгаан, үндэслэл, энгийн эргэлзээ байна. Үүнд:

 

1. Хөл хорионы гэх арга хэмжээтэй яваад манай улс 3 сар гаруй хугацааг тууллаа. Энэ нь короновирусыг хяналтандаа авсан гэж зарлаж байгаа улсуудынхтай харьцуулахад урт хугацаа юм. Харьцангуй их урт энэ хугацаа нь короновирусыг хяналтандаа авахад харьцангуй их нөлөөллийг бий болгож чадсан уу? Би хувьдаа үгүй гэж үзэн ихэд эргэлзэж байна.

 

2. Манай улсад байгаа короновирусын эх үүсвэр бүгд гаднаас зөөвөрлөгдөн орж ирсэн гэх. Дотоод эх үүсвэр байхгүй гэсэн итгэл хандлагаар явж байтал дор дурдсан 2 тохиолдол эргэлзээг бас төрүүлж байна.Үүнд:

 

-Сонгдо эмнэлэгийн түргэвчилсэн оношлуураар 2 удаа шалгахад эерэг гэж тогтоогдсон (анти биет бий болсныг илтгэдэг гэсэн) гэх баримтыг ХӨСҮТ-ийн шинжилгээгээр тухайн тохиолдол сөрөг (короновирусыг тухайн үед тээгээгүй гэсэн утга гэсэн) гарсан гэсэнтэй нь нэгсгэж бодон мөн эдгэрч гарсан 5 хүнд антибиет бий болсонтой нэгтгэн үзэхэд их эргэлзээ төрөөд байна (Ихэнх сорилын найдвар 95 хувь, алдах магадлал, 0.05 байх ёстойг мөн энд санаж эргэцүүлэх хэрэгтэй).

 

-Манай улсаас Солонгост эмчлүүлэхээр очсон тээр нэгэн хүнд өвчтөн (талийгаач болсон доо, хөөрхий) мөн короновирус тээгч байсан нь (гэхдээ тэндээсээ л авсан гэж мэдээлж байсан) бас нэг л эргэлзээ үүсгэдэг.

 

- Манай улсын ерөнхий боловсролы сургууль, цэцэрлэг короновирусын хөл хорионд шилжихээс өмнө хурдан халдварлаж хурдан хүндэрдэг ханиадын улмаас ЭМЯ-ны удирдамж, зөвлөмжийн дагуу хичээлийг нийтээр нь хааж байснаа энэ хөл хорионд шилжсэн нь бас нэгэн эргэлзээг үүсгэдэг. (АНУ-д хийсэн судалгаагаар ханиадаар нас барьсан хүний цогцост короновирус илэрсэн тохиолдол бий).

 

-Дэлхийн улс орнуудын короновирусын ажиглалт, туршилт, шинжилгээгээр "короновирусын халдвар авагчдийн ач холбогдол бүхий хэмжээний хувьд нь түүний шинж тэмдэг илэрдэггүй авч тэрбээр халдвар тээгч болсоор байдаг нь тогтоогдсныг иш болгоход дэвшигдэх "Ийм тохиолдол энд байна уу, эсвэл байхгүй уу?" гэсэн асуултад хариулахад мөн л эргэлзээ үүсдэг.

 

Эргэлзэж эргэлдүүлэх нь эрүүл саруул сэтгэлгээний хэлбэр юм.

 

Эргэлзээг судалгааг хийж, баримт (факт)-иар л нотолно, эсвэл няцаана.

 

Эргэцүүлдэг хүмүүсийн дунд байгаа энэ эргэлзээг тайлахын тулд УБ-чуудын дунд короновирусын сорилыг ядаж түүвэрлэн зохион явуулах нь нэг талаасаа, эргэлзээг тайлах, нөгөө талаасаа, "короновирусын дэгдэлтийг манай улс хяналтандаа байлгаж байна" гэж бардам хэлэхийн шинжлэх ухаанч нэгэн үндэслэл болно.

 

Гуравдах талаасаа нь харвал, манай улсын их хурлын ирэх сонгуулийг хойшлуулахгүйгээр нөгөө л тогтоосон хяналтандаа түүнийг байлган явуулж болохын хатуу итгэл үнэмшил түмэнд төрүүлж, зохион байгуулалтын шинжлэх ухаанч арга хэлбэрийг олох, улмаар ардчиллыг шинжлэх ухаанчаар хамгаалж, хөгжүүлэхэд ач тустай хэрэг юм.

 

Иргэн Ц.Лувсандорж

 

2020 оны 4 дүгээр сарын 17-ны өдөр

Онцгой цагийн онцгой чоножилт

Онцгой цагийн онцгой чоножилт 

 

Короновирусын үед дэлхийн улс орон бүхэн иргэдээ дэмжих, эдийн засгаа тогтвортой эргэлдүүлэх талаар онцгой үеийн онцгой арга хэмжээг олон ухаарлаар авч хэрэгжүүлж байна. Манай нөгөө 30 жилийн нөгөө хэдийнхийг харахаар л зөвхөн өөрсдийнхөө ААН-ийн бизнесийг дэмжихэд чиглэсэн байх. 

 

Жишээ нь, ихэнхи нь ямаатай, ноолуурын бизнес хийдэг болохоор тэд "100 мянга төгрөг, 1 килограмм бохир ноолуур" гэж байгаа юм. Өөрсдийнхөө ААН -ийг дэмжиж байгаа л юм шиг уншигддаг. Түүнийгээ харин малчин гэсэн халавчинд ярина.

Гэвч үнэн хэрэг дээрээ, бүх малчин ингэж ноолуураа тэгэж зарах зах зээлийн боломж манайд байхгүй. Үүнийг ард малчнаас бусад бараг хүн бүр л уншина, харин уярахгүй. 

 

Ажилгүй болж байгаа хүний нийгмийн даатгалыг байгууллагаар дамжуулж чөлөөлнө, төлнө. Тэр хүн ажилгүй болчихсон байх магадлал их, тохиолдол олоон юм. Харин ААН-д энэ нь энэ алгуур ашиг биз.

 

Энэ мэтээр МАН-АН өөрсдийнхөө ААН-ийгээ л дэмжихэд чиглэсэн арга хэмжээг короновирусын онцгой үеэд ч авч хэрэгжүүлж байгаа нь ихэд эргэлцүүлэхгүйгээр л ил уншигдана.

 

Яахав, хүүхэд бүрт 10 мянган төгрөг тараана гэдгийг энд өөр өнгөөр дурдаж байна. Гэхдээ энэ мөнгө 4 доллар хүрэхгүй цэнэтэй ш дээ. 5 талхны цэнэтэй энэ дэмжлэг ядуусад бол том дэмжлэг гэж тэд үзэж байгаа нь энэ, тийм ээ!

 

Ер нь ийм үед хувь хүнд бэлэн мөнгө тараана. Тэр нь эдийн засаг, бизнесийг эрчимтэй эрүүл эргэлдүүлнэ. Өөр олигтой гарц байдаггүй.

 

Манай нөгөө 30 жилийн хэд маань чоно борооноор гэдэг сурсан зангаар л онцгой үед ч гэсэн зөвхөн өөрсдийгөө л бодож чоножиж байгаа юм. 

 

Тэдний чонон санааг ихэнхи монголчууд харамсалтай нь 30 жил ерөөсөө ухаарч уншиж чаддаггүй. Үүнд л гол асуудал, гол гуниг байдаг.

 

Ц.Лувсандорж

 

2020 оны 4 дүгээр сарын 8-ний өдөр

Том тойрогт том багш том ялна

Том тойрогт том багш том ялна 

Багшийг хөдөлмөрийн мөлжлөгөөс салгахын төлөө багш бид хамтарч нилээд үзэлцсэн. 

Ажил хаяж үзэв. Олсон зүйл бага.

Жагсаал хийж үзэв. Авсан зүйл алга.

Их хурал хийж үзэв. Хэрэгжсэн зүйл алга.

Үйлдвэрчний эвлэл байгуулж үзэв. Ирсэн үр алга.

Үндсэн хуулинд санал өгч үзэв. Туссан заалт алга. 

Энэ бүхний эцэст нь хоёр зүйл их ойлгомжтой болсон. 1. Бодлого монголд болхи лобби болсон. 2. Боловсролын бодлогыг монголд хэдхээн хүн л өмчилсөн. 

Гудамжны нэгдэл, тэмцлээр олигтой дүнд багш бид хүрэхгүй. Харин буруугаар намчид хийгээд олз хайгчдад их амархааааан ашиглагдана. 

Монголчууд бидний ганц үнэт зүйл, өмч болсон боловсролын бодлогоо хэдхээн олигархиас (бизнес ашгийг улс төр, улс төрийг бизнес ашиг болгогчид) салгаж, багшийг хөдөлмөрийн мөлжлөгөөс ангижруулж боловсролоо хэдхээн гадаад, дотоод мөнгө хүүлэгч баячуудыг улам хөлжүүлэхийн төлөө бус харин бүх монгол хүүхдийн төлөө босгож өөрчлөхийн тулд багш хүнийг их хуралд хүргэх хэрэгтэй байна. 

Багш хийгээд боловсролын төлөө чинхүү зүтгэж чадах тийм багшийг олж илрүүлэн том тойрогт их хуралд бие даан нэр дэвшүүлэх бодит шаардлага багш бидэнд байна. Бас 4 жилд ганц тохиох том боломж гарч байна. 

Бие даан нэр дэвших том 28 багшийг 40 мянган багшаас хайж байна. 

Монголын багш нарын холбоо энэ цахим бүлэг нэр дэвшигч багш Танд бүх талын туслалцаа, дэмжлэг, зөвлөгөө өгч ажиллана. 

Том тойрогт том багш том ялна. 

Жич: 1. Их хуралд бие даан нэр дэвшигчийг бүртгэх хугацаа их ойртсон байгаа байх. Анхаарах.

2. Санхүүгийн асуудлыг хуулийн дагуу хандив цуглуулж шийдэх ёстой. Түүнээс биш, 60 тэрбум, 100 сая гэгчээр хууль бусаар хандан сонгуулийг мөнгө хүүлэх хэрэгсэл болгож үл болно.

3. Тэгээд их хурал дэвшигч багшид нэг их мөнгө орохгүй ш дээ. Том тойрог бүрт багш нар бий, бас тэдний шавь нар байна. Тэд л дэмжиж ажиллахад л хангалтай. Том ялалт.

4. Том хүн том бодно. Том бодол тань том ялалт авчирна. 

Ц.Лувсандорж 

2020 оны 4 дүгээр сарын 8-ны өдөр

 

Тусгай үүргийн нислэгийн ганц тусгай сургамж

Тусгай үүргийн нислэгийн ганц тусгай сургамж

 

 

Ердийн үед манай олигархиуд болон дарга нарын гэр бүл амраг садан гадуур яаж амарч, зугаалж явдагийг та нар тусгай үүргийн нислэгээс тусгайлан олж харж л байгаа биз дээ. 

 

Тэд бидний энхрий энэ оронг зүгээр ус авахаа байчихсан шалны алчуур лугаа л үзэж байсныг олж барьж л байгаа биз дээ.

 

Хэнээс ч үг сонсдоггүй супер бүлэг гэж томорсон тэд ердийн үед зүгээр л хаяа уйдахаар улс төрөөр хийрхэх гэж, довны од болж тоглох гэж, мөнгө хийх, угаах гэж л энд морилддог байсан бол баян хоосны ялгааг таньдаггүй короновирус тэдэнд харин эх орноо та "ус авахаа байчихсан шалны алчуур лугаа үзэж үл болно" гэсэн хичээлийг тусгаарлалтанд тусгайлан зааж байх шиг байна.

 

Эх оронгүй нь энэ дэлхийд зүгээр л хүн хог, хог хүн юм. 

 

Тэгэхээр ямар ч үед яаж ч явлаа ч гэсэн эх орноо "усаа авахаа байчихсан шалны алчуур" лугаа бүү үзэж л бай л даа. 

 

Тийм үзэлтэй явсан хэн гуайн ч эцэстээ дэлхийн хүн хог, хог хүн болж төгсөнө ш дээ.

 

Ц. Лувсандорж 

 

2020 оны 4 дүгээр сарын 5-ны өдөр